MAIO É TEMPO DE CELEBRACIÓNS

Ao longo da Semana Santa, os nenos e nenas da escola, axudados polos seus pais e nais, adicaronse á decoración de ovos . Esta é unha actividade moi divertida que lle permite aos nen@s desenvolver unha gran cantidade de actividades. A escola quedou fermosa e as familias fixeron unha manualidade que lles permitiu pasar un rato agradable. De todos estes ovos, un foi indultado. O resto, utilizámolo para decorar o noso Maio.

Podedes gozar coa mostra.

Moitas grazas familias pola vosa colaboración

Chegado o mes de maio é tempo de celebracións. Na escola, coma ven sendo costume, nunha mesma data celebramos dúas das grandes festas da nosa terra. Por unha banda, facemos un maio e pola outra traballamos o autor homenaxeado polo DÍA DAS LETRAS GALEGAS.

A festa dos Maios, é unha celebración primaveral que se ten costume de celebrar o primeiro domingo do mes de maio. Nesta festa, contanse coplas adicados á primavera. Os alumnos e alumnas de primaria prepararon cadansúa estrofa e están unidas por un retrouso que xa todos coñecemos.

Na nosa comunidade a celebración desta festa é diferente dependendo na zona na que nos situemos, diferenciandose claramente as tradicións da zona norte de Galicia da do sur. Preto nosa son moi coñecidos os maios de Pontevedra, Vilagarcía de Arousa, Redondela, Verín e Ourense entre outros.

Esta festa a acompañamos do baile das fitas, representado sempre polo alumnado de cuarto de primaria.

Este ano o autor homenaxeado no día das LETRAS GALEGAS  é Filgueira Valverde, natural de Pontevedra.